Bago ramțhen Vaw khawpi ah motor pawl kham ih hramhram in tangka diltu pawl cu October 7 zaan nazi 7:00 hrawngah motor thawn an pah hrim ih palik bohnih pakhat a thi tiah tualsungmi pawlin an sim.
Vaw khawpi myoma palik zung ih နယ်ထိန်းခေါင်းဆောင် palik hohnih Min Thein le a țuanpi pawl cu zaan tinten zu an in ih minung malnak khawpi leng ah feh in Myawaddy lam ihsin ratu motor pawl cu thuhla um loin an kham ih mi sualnak hawl tahratin tangka an dil ringring tiah an sim.
October 7 zaan cu Shansuh khua kiangah motor pawl an kham ih mi sualnak hawl tahratin an au ciamco ih tangka an dil rero laifang ah motor thawn an pah tiah tualsungmi pakhat in a sim.
“Khawpi leng ah an feh ih zuri phah cun motor an kham, khawthim laifang tuvek caan ah zo si a cawl ngam ding, cek ding asikhalle hmuh awk olnak hmun khawpi sungah cek ding an si, mizan cu an zaten an ri zet, zuri thawn khawpi leng feh ih mai tuah duhmi tuah tla cu an pah that thluh lo an vanțha” tiah tualsungmi pakhat in a sim.
နယ်ထိန်းခေါင်းဆောင် palik bohnih Min Thein cu hriamhma nasazet thawn a thi ih, a pah thattu kai dingin zinzoinak an nei rero tiah theih a si.
