Zam lutuk vang hian taksa ah harsatna eng emaw tak alo thlen thei tih a chiang hle. Bihar a class 12 zirlai mipa Shankar chu exam nei tura room a luh chuan zirlai hmeichhia eng emaw zatin an hual vel tih a hriat hnu ah a zam chhe lutuk chu a kulcho der a, tlu sawp in damdawiin panpui ngai hialin a awm a ni.
Zirlai hi Bihar Sharif Allama Iqbal College aṭanga kal a ni a, Brilliant School ah hian mathematics exam pe turin a kal a, hmeichhe 500 zingah a thu tih a hriat chuan a zam chhe ta hle a, a taksa ah nasa takin nghawng a neih zui phah.
He zirlai ni (aunt) chuan thu thar lakhawm tu te hnenah rawlthar hi a tlu mai ni lovin khawsik a nei tel nghal tih a sawi a, damdawi inah hruai nghal a ni. Ani chuan, “Examination center-ah a kal a, room chhhung a luh chuan hmeichhia in an khat vek a ni tih a hmu a, a hlauthawng lutuk chu a khua te sikin a tlu ta a ni,” a ti.
Thuthang a darh hnu chuan damdawi in a zirlai rawlthar leh a ni te video chu rang takin a viral nghal bawk. Zirlai hi Sadar hospital-ah hruai a ni a, enkawl turin admit a ni. Internet a video hrang hrang darh ah hian zirlai hi a chunga thil thleng chungchangah zawhna tam tak zawh a ni tih hmuh theih a ni a, mahse vawi tam tak zawh a nih pawhin tawngkam pakhat mah in a chhang lo.
Damdawi in a awmpui tu ani chuan a chhehvela zirlai hmeichhe tam tak an awm tih a hmuh chuan exam hall-ah a chau in a kulcho a ni tih mipuite hnenah a hrilh a ni.
Thil thleng ah hian Internet hmang tu thenkhat chuan he zirlai hi an troll zui nasa hle bawk. Mahse thenkhat thung chuan pianhmang a in an loh ang bawk in mihring taksa dinhmun leh awm dan a in chen loh vang in indem ngawt leh in nuihsawh ngawt na chi a nilo an ti thung.
