Zanthing firtu palik pawlin tualsungmi pakhat cu kap tahratin an kaih ruangah Kankaw PDF cun palik pawl cu an do ih palik pawlih kaihmi cu an run ngah tiah theih a si.
November 6 ah Kankaw peng palik zung ih palik pawl cu kilhimnak la in 9N – 8411 motor thawn ပိတောက် le thing dangdang pawl an fir ih tualsungmi pakhat cu kap tahratin an kai tiah Kankaw PDF cun November 9 ah thuthannak an nei.
Zanthing an fir hleiah tualsungmi kaitu palik pawl cu Ko Ba Cian hruaimi Kankaw PDF company 5-nak cu an do ih palik pakhat a thi, mi pahnih hriamhma nasazet an ngah tiah theih a si.
Khatlam khatlam kawhawknak a um hnuah Kankaw PDF lam cu hriamhma ngahtu um loin dung an kirsal thei hleiah palik pawlih kaihmi khal siatsuah awknak um lo ten an run ngah thu theih a si.
