A video clip pakhat viral vang in zankhat thil thu lek ah India rama milar leh mite ngaihven hlawh em em a ni zui nghal der ani.
Video a tlangval hi Pradeep Mehra niin kum 19 leka upa ani. Pathianni khan National award-winning filmmaker Vinod Kapri chuan khawlaia an inbiakna Twitter lama a phochhuah hnu ah India ram mipui tam tak ten an bengkhawn rang hle.
Vinod Kapri hi car a a inkhalhchhuah lai chuan khawlai ah Pradeep Mehra hi bag ak chunga a tlan lai a hmu a, a car ah chuang ve tur leh an chenna in lam a hruai haw ah a sawm chu Pradeep Mehra hian duh lovin alo hnar sak ani.
Pradeep Mehra chuan Indian Army zawm turin a inbuatsaih mek a, tlan zawk a mamawh thu a hrilh. Vinod Kapri chuan zing lamah tlan mai tura thurawn a pek chuan a hnathawh leh ei in siam a ngaih vangin hun a neih loh thu in hlimhmel tak pu chungin a chhang.
A chanchin a zawh chian zel hnu chuan Sector-19 Noida a McDonald’s ah hna a thawk thin a, nitin 10 km a tlan thin. A nu hi a damthat loh vangin damdawiin a awm mek a, a unaupa nen an pahnih in an chengdun ani. Hnathawh a ngaih vangin Army nih a tumna kawng ah hian inbuatsaihna tha mumal a nei thei lo a, chuvang chuan a hnathawh kal leh haw lamah lirthei hmang lovin ke ngatin a tlan ta thin alo ni.
He rawlthar thil tum dik tak a hriat chian tak hnu chuan Vinod Kapri pawh a hneh hle a, zanriah kilpui a a sawm chuan Pradeep hian alo hnial a, a uanupa nen in ah an ei a ngaih thu a hrilh. A uanupa hi zanah hnathawk in a chhuak a, in lama ei in lo buatsaih a ngaih thu a sawi.
This is PURE GOLD❤️❤️
नोएडा की सड़क पर कल रात 12 बजे मुझे ये लड़का कंधे पर बैग टांगें बहुत तेज़ दौड़ता नज़र आया
मैंने सोचा
किसी परेशानी में होगा , लिफ़्ट देनी चाहिएबार बार लिफ़्ट का ऑफ़र किया पर इसने मना कर दिया
वजह सुनेंगे तो आपको इस बच्चे से प्यार हो जाएगा ❤️😊 pic.twitter.com/kjBcLS5CQu
— Vinod Kapri (@vinodkapri) March 20, 2022
Pradeep tumruhna leh a beihna hi Vinod Kapri mai bakah video clip lo en tu India ram mipuite thinlung ah thu tam tak a sawi a, an dinhmun zir loh vang ringawt a a nih tum leh a chak em em in daltir mai lova a theih ang tawka a beihna ah hian hlawhtlinna a chan ngei theih nan duhsakna an hlan. Retire Army General Lt Gen Satish Dua pawh in video alo hmuhin he rawlthar hi tanpui dan kawng ngaihtuah sak ngei a tum tih a tarlang ve hial bawk.
