Russia in a thenawm Ukraine a run vangin khawvel mipui tam tak in Russia a dem nasa hle a, Ukraine in tan leh thlawp tu a ngah zawk. Ukraine te bei tura an ram President meuh in sipai te a tirhchhuah hnu ah Russian hian kawng hrang hrang in hrek leh ensan a tawk ani.
US leh Canada rama zu dawr bars & liquor stores hrang hrang ah Russian kutchhuak zu te chu hralh tawh lo tura tih niin, zu dawr hawng tu ten Ukraine ram an thlawp zia lantir nan Russian Vodka hi hralh tur a dahchhuah te an la thla a, a then in an leihbua ani.
Ontario, Canada a Liquor Control Board Of Ontario lam te pawn Russian products hrang hrang an zawrh Russian Standard Original Vodka, Beluga Noble Russian Vodka leh Stoli Vodka te chu an titawp nghal vek. Dailymail in an tarlan danin Canada a zu dawr 700 chuang ten Russian alcohol brands te zawrh chhuah tum tawh lovin an lakthlak vek thu a sawi.
US ah pawh hetiang tho hi a thleng. Wichita, Kansas a zu dawr ten Russian vodka bottle 100 zet chu Putin chetdan an do zia entir nan an leih baw hiau hiau mai. Grand Rapids, Quay chuan Russian product reng reng te chu nakin zel ah pawh zawrh a tum tawh loh thu a hrilh.
Sorry @Stoli lovers. No more.
🇺🇦🇺🇸 pic.twitter.com/5y2TWP8feK
— Magic Mountain (@SkiMagicVT) February 24, 2022
Indian Land, South Carolina ah chuan Ukrainian vodka Kozak te chu hralh turin an dahchhuak zawk a, an beisei aiin an hralh chak in an inchuh zo hneh viau thu general manager Drew Podrebarac chuan a sawi nghe nghe.
Russia hian eng hremna dang nge ala hmachhawn zel dawn tih hi a hriat loh a. Ram dangin an zu siamchhuah te a hnawl sak mai bakah hian infiamna lama thu neitu sang FIFA leh UEFA ten Russia club leh national team te chu tiamchin awm lovin an suspend thu puan ani bawk.
