IIT Kharagpur Researcher, Anirban Nandy leh Poulomi Nandy te hian United States of America lama post-doctorate zir tura sawmna an dawn chu hnawl in India ah chama naupang rethei leh harsa zawk dawmkan ngaite tanpui turin thutlukna an siam.
Anirban Nandy leh Poulami Nandy te nupa hian North Bengal a thingtlang khua ah naupang rethei tak tak ten zirna tha an dawn theihna turin hma an la a, an zirlai te pui thei turin lehkhabu thar ber ber an neih theih nan mobile library an buatsaih bawk.
Naupang te tana lehkhabu an chhawpchhuah mobile library a mi hi a then an lakkhawm a ni a, a dang te erawh hi chu an mahni pawisa hmanga an lei vek ani. Mobile van library ah hian lehkhabu 5,200 chuang a awm.
Anirban leh a nupui Poulami hian an van hi North Bengal a thingtlang khaw 30 lai ah an kalpui tawh a, khua a naupang te tan chhawpchhuah sak in thla 3 dan a piangin a tharin an thlaksak thin bawk.
Mobile library a zirna tan hian Rs 10 te an laksak ve a. Spoken English atang a computers class thleng in khua a naupang te hi zirna an kalpui. Anirban pa hi kut hnathawk a ei zawng mi a ni a, a nu hi nurse niin thingtlang khua a naupang harsa tak tak te tan theihtawp a tha zirna pek chu a duhthusam ani tih a sawi.
