Russia leh Ukraine te indona chuan zual lam a la pan zel. Pawisawilo tam tak in nunna an chan tawh a, an la chanbelh mek. Ukraine ten an ram chhanhim tumin an theih ang tawk in hma an la a, an inpumpekna a langchiang hle.
Ukrainian sipai pakhat chuan a ram chhan him nan a nun a hlan a, Putin a kaihhruai sipai leh ralthuam ten an khawpui an luhkhung mai tur dan nan bomb hmangin a in hmehchilh a, a thih chilh thu hriat ani.
He marine huaisen hi Vitaliy Skakun Volodymyrovych a ni. Ningani khan Crimea bul Kherson region a leidawh Henichesk bridge ah bomb ti puakin a thih chilh a, Ukrainian battalion ten Russia tank te dang bet turin bridge hi bomb turin an ti a, Vitaliy Skakun Volodymyrovych hi a ram tan a in volunteer tih General Staff of the Armed Forces chuan a puang.
Hun tam an nei tawh lo tih a hria, huaisen tak in a inpumpek. Ukrainian armed forces ten Volodymyrovych thil tih vang hian Russia sipai ten an luhkhung mai tur lakah tanhmun an insiam rem theih phah tih an sawi a, a thisen hi a thlawn in a luang lo. Force lamin Volodymyrovych hnen ah ram tan a huaisen taka a nun a channna ah hian chawimawina award (posthumous honors) an hlan dawn.
Zirtawpni khan Russian tanks in an khawpui a luh mai loh nan Kyiv hnaih a Bridge dang chu an bomb leh bawk. Russia in an run atang a ni khat indona ah Ukrainian sipai 130 chuang ten nunna an chan tih an tarlang.
