Tuluk ram nitlaknak saklam Gansu ramkulh sungih khuahlan thilri umnak Dunhuang khawpi ah July 25 zaanlam nazi 3:00 hrawng ahcun meter 100 (pi 300) sangin vunnel thlisia cu nasazet in a hrang tiah theih a si.
Hi vunnel thlisia cu saklam ram Gobi nelrawn ramcar ihsin Dunhuang khawpi ah a lut ih suimilam pakhat ah peng 85 a tlan cak tiah nikhua tahnak lam cun an sim.
Hi thilcangmi ruangah Traffic police pawl cun Dunhuang khawpi ih hleice deuhnak lamzinpi zaten an phit thluh ih, bike le motor pawl khal vunnel thlisia ih dinhmun in lamzin an khih hmuh.
Hi vunnel thlisia cun van lam cu aire rawng in a tuam ih lamzin khal a khuh thluh ruangah hmuh-awk theinak khal hi meter 5 hnuaiah a tlaniam.
Tuluk ram ih sumdawnnak khawpi Shanghai khawpi le a kiangkap tlangtluan pawl khal July 25 ah Typoon thlisia a lut ih, vanzam khualtlawng zaten an cawlhter thluh ih lei hnuai tlangleng khualtlawnnak khal cawlhter thluh an si.
