Hmangaihna hian kum lam ringawt a en lo tih an rawn lantir chiang hle. Tu 17 zet nei tawh pitar kum 61 a upa Cheryl leh a pasal kum 24 lek Qaran McCain te hian news an rawn luah hneh viau a, kum inthlau tak chunga an inkar a induhna leh in hmangaihna awm chuan mak tih pawh a hlawh hle ani.
Cheryl leh Qaran McCain te hi Georgia, US a khawsa an ni a, an inkarah hian kum 37 lai mai a tla nghe nghe. Mahse inkawp rem leh nupa in hmangaih tak ni chho rih in fa neih dun hial an tum thu an sawichhuak bawk.
An pahnih a an intawn leh an inhmuhna hmasa ber chu 2012 ah daih tawh khan ania. Hetih lai hian Quaran hi kum 15 lek la niin Rome, Georgia a Dairy Queen ah a thawk a, a hnathawhna restaurant neitu hi Cheryl fapa Chris ani.
Mahse an inhmuh hnu lawk ah hian hun eng emaw chen chu an inbe zui tawh lo a, rei tak hnuah November 4, 2020 khan an intawng leh hlawl. Quran hian Cheryl hi convenience store ah a va hmu a, cashier in alo thawk. An inhmuhchhuah hnu chuan an inkawm tlangnel chho ta hle a, an pahnih inkarah chuan induh tawnna piang hialin an inkawp zui nghal mai bawk.
July 2021 a herchhuah chuan Quran hian Cheryl hi nupui ah sawm in a propose a, nikum September khan Tennessee ah tlan dun in hemi hmun ah hian damchhunga nupa ni turin inneihna an buatsaih ani.
Cheryl fate hi 7 an ni a, kum 29 leh kum 41 inkar te ni nuk hlawm in a fa naupang ber pawh a pasal Quaran hian ala rual pha lo. Fa 7 bak ah hian tu 17 zet a nei bawk.
Cheryl hian a fate pawh rual phalo pasal a a neih ah hian a chhungte pawhin pawmpui in phunnawina an nei hran lo. Cheryl chuan Quran nen hian fa neih dun ngei a duh a, mahse a kum a tam tawh vangin nau an neih dawn pawh in chhul hawh emaw fa lak kaltlang a an neih mai a ngaih thu a sawi ani.
Midang te chuan a hmakhua chauh ngai tu leh fa nei tur chuan a upat lutuk tawh thu sawi mahse an nupa inkar a that phawt chuan an ngaihdan ah a buai loh thu a sawi a, thihna chauh lo chuan an nupa kar hi sawinghin tir an tum lo.
