Reality star, Kylie Jenner bialpa Travis Scott chuan hmeichhe dang lakah Kylie hi a rinawmloh san a, kum 27 a upa supermodel, Rojean Kar nen a inkawp thin tih thawm a ring hle.
Kylie Jenner nena an inhmangaihna intan tak tak hma 2013 chho vel khan Travis Scott leh Rojean Kar inkarah hian eng emaw awm nia rinna lian tak a awm a, a tifiah turin Rojean Kar hian Instagram Story ah hemi chungchang hi a tarlang thar leh a ni.
Video clip a phochhuah ah hian a hnung ah Travis Scott hi a lang tel ve a, Travis hming sawi chiah si lovin, awmdun ang in a insawi bawk. The Shade Room ten Kar story leh hemi video shoot na a Travis thlalak te hi dah tlangin an post.
He Supermodel hian comment ah Travis Scott a awm ve reng a ni tih hre lo awm ang deuhin a in awm tir. A hnu ah Comment hi a delete zui a, Travis Scott rawn lang nghal thuai in thuthang leh inphatsan na a puh a nih ah a insawifiah.
Travis Scott chuan he hmeichhia Rojean Kar hi video an siamna ah sawm loh in a kal a, amah hi tu nge tih pawh a hriat loh thu leh an awmdun ngai reng reng loh thu sawiin dawt leh rinthu phuahchawp thehdarh lo turin a hrilh.
Travis Scott hian inhmu ngailo leh inhre ngailo ang a thuchhuah a siam hnu reilo ah a chhang let a, Rojean Kar chuan an awmdun lai chu midang pawh in an hmuh thu a sawi a, a finfiahna tur in an pahnih video leh thlalak te a kawl thu a sawi tel bawk.
