Inneih vawikhat ringawt pawh a hautak em em laiin American media personality Kourtney Kardashian leh ‘Blink-182’ drummer Travis Barker te chu a vawi 3 nan Portofino, Italy ah an innei leh.
Page Six in a tarlan dan in he inneih vawi 3 na hi Pathianni khan Castello Brown ah lawmna neih a ni a, Kardashian chhungkua te an inlan kim hle a. Inneih ropui leh dangdai tak a nih thu an sawi.
Travis Barker leh Kourtney te hi an chhungte leh thian te hriatpui a an inneih hma kar khat liam ta khan Santa Barbara, California ah dan ang takin an inneihna hi an tifel diam tawh a, tuna mi hi chu a lawmna leh a belhchhahna pakhat mai chauh ani.
Kourtney hian mo kawr atan Dolce & Gabbana mini dress a ha a, cathedral veil sei tak khim in a veil ah hian Virgin Mary hlimthla hmuh theih in a chuang kalh bawk.
People Magazine chuan rose par sen in a hual vel karah Kourtney leh Travis te hian inneih thutiam an nei tha leh a, an fate 6 pawh an tel. Kourtney fapa Mason, Reign leh a fanu Penelope bakah Travis fate Landon, Alabama leh Atiana te chu an nu leh pa te inneihna ah hian an inlan ani.
April thla liam ta khan Las Vegas ah an innei tih hi hriat a ni a, mahse Page Six chuan hei hi chu a tihchhin na chauh ala ni a, marriage license pawh engmah an la tifel lo tih a hnu deuh ah an rawn tarlang ani.
