/

Train a Phone ruk tum tu chu man niin Km 15 a thui hrehawm taka tlanpui a ni

Rukru thenkhat te chu thiam leh zei tak a thil an ruk heuh heuh laiin hei erawh hi chu a che fuh vak lo. A zuam sual deuh hlek zawng a ni.

Bihar’s Begusarai a pa pakhat in rel chuang lai Mobile phone ruksak tum a, a chet fuh vak loh dan video clip hi Social Media ah a rawn lar hle.

He pa hian train a passenger phone hi rel tukverh atanga lak tumin a kut a zen lut a, mahsela a nei tu hian phone alak hma in rukruk tum tu hi lo hmu hman in, a kut ah chuan a lo man nghal chat a, a bula chuang ve dang chuan tanpuiin a ban leh lamah a lo chelhbeh sak ve bawk a, zirtirna an pe zui hlak a ni.

Rel hi Bihar’s Sahebpur Kamal station, Begusarai atang in Khagaria thleng tlan in, rukruk tum tu pa hi km 15 zet a thui rel tukverh a tang chung hian tlanpui a ni tih an sawi.

A hnu ah Khagaria station a GRP hnen ah hlan a ni a, hepa hi a hming Pankaj Kumar a ni a, Sahebpur Kamal police station area of Begusarai a cheng leh khawsa niin an sawi bawk.

Hetia hrehawm tak a train tukverh ah chelhbet chunga km 15 zet a thui tlanpui a hremna an pek hi mitam takin a phutawk a hmu an tih laiin thenkhat ve thung chuan mahni mihringpui inhnuaichhiahna niin ngai an awm bawk a, hrem theihna dan an neih loh thu leh Police te kutah a hrem dan tur chu dah mai zawk tur a ni an ti.

Leave a Reply

Your email address will not be published.