Hmangaihna hi a mit a del lova hmangaihtu mit zawk hi a del thin zawk alo ni. Hmangaihna hi dik lo zawnga a kal palh chuan thil hlauhawm tak a ni thei bawk.
Assam a tleirawl kum 15 lek a upa chuan a bialpa chu a hmangaih tak zet a ni tih lantir nan a taksa ah a bialpa HIV Positive thisen chu a duhthlanna hmang ngeiin syringe in a inkap lut tih hriat a ni.
He tleirawl hi Suwal Kuchchi khua a mi a ni a, a bialpa hi Satdola, Hajo a mi a ni thung. An pahnih hian Facebook kaltlang a inhmelhriat an nia, vawi tam an inbiak hnu ah chuan an inkar ah hmangaihna leh induhna piangin an inthlah thei tawh lo.
Kalinga TV in a tarlan dan in an inkawpna pawh a rei ve thawkhat tawh hle. A bialpa hri vei HIV Positive thisen a inkah luh hma hian kum 3 lai an inzui tawh a, a hmangaih tak zet a ni tih chu thu mai nilova lanchhuah tir a duh.
Hetiang thil atthlak leh mawl tak a chet a lak hma pawh hian a bialpa hi vawitam tlandun pui alo tum tawh tih an sawi a, mahse a chhung ten an pawt then leh zel a ni.
A chhung ten a thil tih hi an hriat hnu ah an thinrim hle a, dan ang a hma la tura Police ah kalin a bialpa lakah thubuai an siam sak bawk. Doctor te chuan tleirawl hi enfiahna an nei mek a, Hajo Police ten a mipa hi an man tawh.
Social Media ah chanchin a darhchhuah hnu hian tleirawl thil tih hi atthlak leh dawn tawi lutuk tiin an sawizui nasa hle a. Khuarei ah inchhir in ala indawmkun phahna tur a nih thu an hrilh a ni.
