1997 a film tihchhuah lar tak ‘Titanic’ a a changtu te pahnih in pose dan ‘king of the world’ pose anga an tihchhin hnu ah vanduaithlak takin an chesual palh a, pakhat zawkin nunna a chan phah ani.
Pathianni liam ta a north-western Turkish province of Kocaeli a thil thleng a ni a, nula leh tlangval kum 23 hmang mek Furkan Ciftci leh a bialnu Mine Dinar te chu vaukam atanga lawng panna kawng dawh Izmit Marina Pier hmawr ah chuan an ding.
Leonardo DiCaprio leh Kate Winslet te romantic tak maia an in pose dan ang chiah in tih an tum a, an pahnih hian zu an ruih em vangin an balance hloh thut in tui ah an tla ta ani.
Tualchhunga mi sangha mantu chuan tuia an tla lai hi lo hmu in tanpui turin an tlakna lam a pan a, a hmeichhia zawk Ms Dinar hi chhan niin a mipa Mr Ciftci erawh tuifawn khauh tak vangin chhan hman lo in tuiin a len.
Emergency services te chu thil thlenna hmun ah hian koh nghal vat an ni a, Ms Dinar hi damdawiin ah hruai ani. Firefighters leh tuichhung lut thiam diving team te chuan a mipa zawk Ciftci zawn hna hi thawk nghal in rei fe an zawn hnu ah darkar 2 a liam tih in a ruang hi tui atangin an la chhuak thei ta chauh ani.
CCTV footage atang a a landan in tuia an tlak hma hian venhimna tura dah security chain chu an paltlang a, a hmawr thei ang berah an ding. Damkhawchhuak zawk Dinar chuan Police te hnen ah sangha mana an chhuah na ah hian zu an in dun a, ‘Titanic pose’ a han tihchhin ve chu an chak ta thut in a sawi.
Himna tur zawk daidan na chain chu paltlangin a hmawr thei ang bera an ding chu an rui tel pah bawk nen an balance an hloh thut a, tui ah hian an tla ta a ni tiin a hrilh. Nunna chan Furkan ruang hi autopsy tura tih ani a, an chenna Duzce ah a vuina hun hman ani ang.
