Kum 21 lek a upa Tiktok Influencer hmeichhia Tanya Pardazi chu Toronto a skydiving a neih hmasak berna ah chesual palh in a nunna a chan tih hriat a ni.
Skydive Toronto ah course a neih zawh hnu in 27 August khan skydiving nei tur hian a chhuak a, a zuanthlakna ah hian a parachute chu chiang lo in a hun tak ah a parh thei lo. Lei lamah tla in accident rapthlak hi a tawk. Damdawiin ah rang takin an hruai a, amaherawh chu a nunna chhan hman a nilo.
Pardazi hi University of Toronto a philosophy student a ni. Tiktok ah pawh hu hang a nei lian hle a, 100,000 aia tam followers a nei mek. 2017 Miss Teen Canada pageant ah tel tawh in semi-final stage hial a thleng phak.
Skydive Toronto lam chuan Tanya Pardazi chetsualna ah hian parachute hi a hun lo leh hmun sang a mamawh tur chen ni lo a parhtir a tum vangin a chebuai niin an sawi a, Skydive Toronto hi South Simcoe Police nen tang kawp in he chetsualna thleng hi chhuichianna neih mek a ni bawk.
Kum naupang te in nat lawkna pawh awm lo, chetsualna vanga nunna a chan hi ui tu pawh an thahnem hle. Tiktok post a siam ah a video lo en thin tu a fans tam tak in an uizia an sawibang thei lo a, thlahna hun an rawn hmang.
