Bury St Edmunds, Suffolk a mi trainee commercial airline pilot hmeichhe pakhat Oriana Pepper chu thosi chi khat in a seh hnu ah a thi tih hriat a ni.
Kum 21 lek a upa, a hnathawh a hmalam hun eng tak nei tu Oriana Pepper hi Antwerp, Belgium a an awm laiin a chal ah thosi hian a seh niin BBC chuan a tarlang.
Thil thlen hnu hian hospital emergency department ah Oriana Pepper hi hruai a ni a, a tuk mai ah chuan a mit dinglam chu rawn vungchhuak nghal in natna a kai tih hriatchhuah a ni.
In lam a haw tir an nih hma in antibiotics an pe a. Mahsela ni 2 hnu ah pawh chuan a dinhmun chuan ziaawm lam a la panthei lo cheu a, enkawlna a dawn leh hnu ni 3 a liam chuan a nunna chhan loh in a boral zui phah.
A thih chhan ah hian septic emboli tiin an sawi a, rannung in a seh khan natna hrik kai in a thluak ah hian a taihdarh ta niin an puang. Suffolk senior coroner, Nigel Parsley chuan Oriana Pepper vanduaina tawk a a thih dan ah hian tunhma a ala hmuh ngai reng reng loh a ni a ti ve hial.
Kum naupang te in hmalam hun duhawm tak in a hmuak chho dawn chauh tih a vanduaina a tawk chu pawi a tihzia sawiin midang te pawh fimkhur turin a chah zui bawk a ni.
