Pawisawilo tam tak thisen a luang a, in hmangaih leh inthlahlel tak tak te pawh ram pahnih indona ah hian mittui nen an inthen a ngai ani.
Russia mi leh sa te hian an ram hruaitu pa Vladimir Putin an Ukraine a rûn na ah hian a lam an tang fai vek bik lo a. Russian nu pakhat chuan a hmangaih a fapa a bula a kir leh theih nan an ram President hnen ah mittui nen indona a chawhchhuah titawp turin a ngen tih hriat a ni.
He nu khawngaihthlak hian a tin (nail) ah Ukraine a thlawp tih lantir nan an ram flag rawng a hnawih bawk a, Moscow khawpui a indona duh lo pungkhawm anti-war protest ah a tel ve. A fapa te awmna regiment ah chuan sipai 10 nungdam an la awm a, a fapa pawh a la dam thu a sawi.
A fapa hi Russian Army ah tihluihna hmanga lak ani tih a sawi a, Ukraine a thawn hma in army drill a nei phawt. Ni 10 chhung a fapa chanchin hre pawp thei lo in a awm. Putin hnen ah “khawngaihin he thisen inchhuahna rapthlak tak thleng hi titawp la, ka fapa min pe kir rawh” tiin a ngen ani.
You rarely hear from mothers of Russian soldiers. This lady came up to us at an anti-war protest in Moscow, desperate for the safety of her 22 yr old son. She told us there were only 10 men left in his regiment. If there are voices Putin fears, it’s these pic.twitter.com/CNAY3gK0uj
— James Longman (@JamesAALongman) March 17, 2022
Ukraine nen an indo atang chawlhkar 3 chhungin Russia ten an sipai 28,000 vel an chan tawh. Nungdam zinga a fapa ala tan avangin Pathian hnen ah lawmthu a hrilh a, an kawm lai mek hian phone a a fapa thlalak chu a hmuh bawk.
Russia hian Ukraine hmun hrang hrang chu an ralthuam hmangin an tichhe nasa hle a, Building pawimawh tak tak hospital leh nursery bakah fahrah awmna thleng in an tichhe tel ani.
