Rel (Train) rawn tlanna tur rel kawng lai ah tak mai chuan a saree sen chu langsar leh hmuh awlsam theih turin alo kap parh a, Rêl rawn tlan phei mek khalh tu te pawhin a tirah chuan a ngaihna an hre lo hle.
He thil thlenna hi Uttar Pradesh state a Avagarh block of Etah district a Guleria thingtlang khaw bul hnaih lawk ah a ni a, rel kawnga a saree zar tu nu hi Omwati ani.
Omwati hian rel kawng ah hian thil fel hlel leh chhiatna lai a hmuchhuak ani. Rel kawng chhia a hmuh rual in rel (train) rawn tlan mek chuan accident rapthlak tak a tawh phah thei a ni tih a hai lo hle.
Thawk leh khata rel tlan lai mek chu lo tihdin theih mai ani silo a, a tihdin ngei theih dan kawng ngaihtuah in a rilru a lo lang hmasa leh rem a hriat dan ber chuan a che chhuak.
A saree hak lai chu phelh sawk sawk in an awmna hnaih a thing tang chu la in rel kawng ah a vit phun a, a saree sen hi a zar. Rel khalh tu in saree sen a lo hmuh chuan signal pekna a ni tih hrethiam in rel tlan lai chu a tiding ta ani.
Omwati remhriatna leh rel kawng that lohna a hrilh hriat hmat vangin rel a chuang mitam tak nunna a chhanhim phah a. Passenger phur train hi Etah atanga Tundla lam pan tur ani. Kawng chhe lai te siamthat hna an thawh zawh hnu ah an tum ram lam him takin an pan leh nghal.
Omwati hian mipui te atang in fakna a dawng nasa hle a, UP Police lam te pawh in an chhuanzia an tarlang ve bawk. Railway accidents hian chhiatna rapthlak tak thlenin mitam tak in nunna hlu tak an chan phah teuh theihna ani.
