Thantlang khawpi hrangah hlasak thiam hminthang Han Htoo Lwin @ Kyar Pauh ih Doodle Art a sersuahmi vaidip 9 cu tender pianhmang in a zuar ih American dollor 20000 lenglo a ngah thu theih a si.
Print tuahmi siloin Kyar Pauh ih kut rori’n suaimi vaidip cu pakhat ah American dollor 500 bikhiah in mai pek duh zat a sangbik man cu vaidip nambat thawn a sangbik ih lei duhtu pawl hnenah zuar a si. Vaidip leitu pawl cun pakhat ah American dollor 1000 ihsin 3300 tiang an lei timi hmuh a si.
Ralkap thuneihnak dokalh ih cangvaihnak ah lamzin pakhat ihdin a teltu Kyar Pauh cu kan dung baite khalah Doodle Art a sersuahmi Ukulele țingțang pakhat cu Spring Revolution hrangah auction pianhmang in a rak zuar ih American dollor 27500 a rak ngah.
