November 24 ih Thantlang khawpi doawknak ah ralkap pakhat a thi ih mi 3 hriamhma an ngah tiah theih a si.
Thantlang khawpi ah hmunkhuartu ralkap hmunpi nambat 222 ih kum 3 sung rak um zomi ralkap pakhat in “mizaan Thantlang khawpi doawknak ah ralkap pakhat a thi ih mi 3 hriamhma a ngah” tiah simnak a nei.
Thantlang khawpi inn 200 lenglo kangmi thuhla ih mawhphurhnak neitu bik ralkap hi Homalin hrambun nambat 222 ih ralkap pawl an siih, Thantlang khawpi ah ra tahratin țanhmun khuartu an si.
“October 29 ih Thantlang khawpi inn a kang laifang ah background hmangin zuk tahratih social media ih thehdarhtu ralkap pahnih khal nambat 222 ih ralkap senhnih Aung Kyaw Ngein (thi zo) le San Htun Oo an si” tiah a sim bet.
Thantlang khawpi ah doawknak a suah hnu inn a kang ih TCBC biakinn telin inn 49 a kangral tiah theih a si.
Thantlang khawpi doawknak thuhla thawn pehparin CNA/CDF lam cun thuthannak zianghman an nei hrih lo.
Ref : The Chin Journal
