Chin ramkulh saklam Thantlang khawpi cu November 27 zaanlam suimilam 4:30 ihsin a kang thok ih St. Nicolas Catholic Church biakinn telin inn 96 a kangral tiah Thantlang Placement Affairs Committee cun thuthannak an nei
Inn kangnak hmun pawl cu Zunghmung veng ah inn 41, Saihpyoyi veng ah inn 39, Lungtial veng ah inn 16, a zaten inn 96 a si tiah theih a si.
November 27 zaanlam suimilam 4:30 ihsin meikang thokmi cu a ciam thluh zo ko na’n, November 28 zaanlam suimilam 2:00 hrawngah ralkap pawl cun inn an urkang sal thu November 28 zaanlam ih Thantlang khawpi dinhmun zohfeltu mino hruaitu pakhat cun tualsung media The Chin Journal hnenah simnak a nei.
Thantlang khawpi cu November 27 tiang țum 9 a kang ih Church On The Rock, Presbyterian Church, Thantlang Centenary Baptist Church, St. Nicolas Catholic Church biakinn pawl telin inn 349 a kangral tiah theih a si.
Thantlang khawpi innkang caan cu September 9 ah inn 1, September 18 ah inn 19, October 29 ah inn 164, November 6 ah inn 8, November 9 ah inn 2, November 10 ah inn 7, November 11 ah inn 3, November 24 ah inn 49, November 27 ah inn 96, a zaten inn 349 a si.
November 18 zaanlam ih innkangmi cu ziangzat a kangral timi theihfiang a si hrih lo.
