Chin ramkulh saklam Thantlang khawpi Zunghmung veng le Tlawnginn veng karlak ah November 24 zaanlam suimilam 2:00 ihsin inn a kang thok ih zaanhman meikang mittu um loin zaanțim tiang a kang hnuah Thantlang Centenary Baptist Church (TCBC) biakinn telin inn 49 a kangral tiah theih a si.
Inn kangnak hmun pawl cu Zunghmung veng ah inn 36, palik zung dunglam ah inn 10 le saihpyoyi veng inn 3, a zaten inn 49 a kangral thu Thantlang mino hruaitu pakhat in tualsung media The Chin Journal hnenah simnak a nei.
September thla ihsin tuini tiang Thantlang khawpi cu țum 5 a kang ih inn 224 le biakinn 3 sunral a si hleiah innkang mit dingih fehtu pastor pakhat khal ralkap pawlin an rak kap that tiah theih a si.
