May 24 a Uvalde, Texas a Robb Elementary School ah mipa pakhat kum 18 a upa chuan silai hmet puak in hetah hian zirlai naupang 19 leh zirtirtu 2 an thi.
He chanchin duhawm lo tak hian khawvel a dengchhuak rang hle. Nunna chan zinga mi zirtirtu Irma Garcia hian classroom chhung ah naupang te chu an nunna venhim sak a tumna ah a thih phah ta ani.
Nunna chan te hi an chhungte lam in sunna hun an hmang a, Irma Garcia chhungte chuan vuina hun an buatsaih mek laiin chanchin duhawmlo dang an rawn puangzar leh a. Irma Garcia pasal Joe Garcia chu a nupui in vanduaina tawka a boral atang ni 2 a liam awrh tih ah a boral ve leh ani.
Irma Garcia unau fa John Martinez in NBC News a hrilh danin Joe Garcia hi a nupui Irma hriatrengna ah pangpar dahin a kal a, in lama a kir hnu in chair ah minute 3 ai rei pawh a thu hman lo ang tih ah chuan a tlu tawp a, a awm (chest) te nem a theihtawp a tihharh leh an tum pawh in awmzia a nei tawh lo tih a sawi.
An nupa hian kum 24 zet an innei tawh a, high school an kal lai atang a intawng in fa 4 an nei tawh. A chhung te lam in an tarlan atang in Joe Garcia hian a nupui thihna hi a tuar na hle a, thinglung kehsawmna vangin heart attack a a boral thu an puang ani.
Garcia chhungte chuan an hun tawn mek ah midang te chu an tan tawngtai sak turin an ngen bawk. GoFundMe page ah tanpuina tur sum khawn a ni a, khawngaih leh lainattu pawh an thahnem hle. Ningani zan thleng khan Garcia chhungkaw tuarpuina sum tlingkhawm hi $1.6m (£1.3m) dawn an hmuchhuak tawh.
