Mon ramkulh Tațhung peng ah November 25 zinglam suimilam 11:00 hrawngah KNLA brigade (1) le tualsung PDF cu ralkap pawl thawn an kap aw tiah theih a si.
Tațhung peng ဓားရိုး khua le ညာဓဝယ် khua kiangih a luttu ralkap 5 le KNLA brigade (1) ih battallion (2), Tațhung PDF, Tațhung People’s Guerrilla pawl thawn an kap aw.
Hi doawknak ah ralkap 3 an thi ih KNLA le PDF pawl cu hriamhma ngahtu um loin dung an sipsal thei tiah Tațhung PDF cun thuthannak an nei.
Hi doawknak thawn pehparin KNU brigade (1) sungțuan ပဒိုစောစိုးမြင့် cun khatlam khatlam doawknak lam an cangvaih laifang ah an tong aw ih an kap aw tiah a sim. Hi doawknak ah ralkap senthum pakhat le ralkap nauta 2 an thi tiah a sim bet.
KNLA brigade (1) ih battallion (2) le tualsung PDF pawl cu November 22 khalah Tațhung peng ထုံးဘိုကြီး le ထုံးဘိုလေး khua karlak ah ralkap pawl thawn an kap aw ih ralkap 3 an thi, mi 4 hriamhma an ngah tiah theih a si.
