Mipa leh hmeichhia te chu chhan ho ang reng tak vangin Internet ah sawi an hlawh nasa khawp mai a, inhnial buai a kut hial an inthlak lai chu Internet ah a darh nasa viau a ni.
A tir in Twitter ah phochhuah hmasak ber a ni a, mi nuai 25 zet thlir tu a nei hman. Mi thenkhat chuan hei hi chanchawp leh ruahman sa vek a nih te an ring bawk.
He thil thlenna hmun hi Delhi Metro ah a ni. Video ah hian Tshirt man chungchang thu hla ah an inhnial a, a mipa hian hmeichhia hnen ah a Tshirt chu engzat in nge a lei tih a zawh chuan hmeichhia chuan Zara atangin Rs 1,000 in a lei thu a hrilh.
Amaherawh chu a mipa zawk hian a man zat a sawi chu a ring thei lo. A Tshirt man zat Rs 1,000 a tih chu fiamthu thawh nan a hman zui sak a, a landan atang chuan Rs 150 pawh a pelh a rinloh thu a sawi.
Hei hian hmeichhia hi a ti thinrim nasa viau a, insum hauh lo leh lungawilo takin mipa hi a beng deuh chawrh chawrh a ni. Thil thlen lai hian an bulah midang pawh an awm ve reng a, mahse tumah inrawlh an tum lo hrim hrim. An intithiam lo lai chu an thlir deuh tawp a ni.
Delhi metro entertainment 😂😂pic.twitter.com/LLdIDHB54N
— kartik (@Kartik_sharmaji) July 12, 2022
Video lo hmu tu te chuan an ngaihdan hrang hrang te chu an tarlang hlawm a, an inhnialna chu puitling tih atan a mawilo leh thu tak khuk a lo khuk pui chi a nih loh thu an sawi hial.
