Bollywood lemchan thiam Sushant Singh Rajput thihna atangin kum 2 lai a liam tawh a, a thihdan chungchang sawi erawh in tawp in tai a nei thei lo. Pawn lam hriat theih atang chuan mahni intihlum nia sawi ni mahse tam takin a thihna phen ah hial thil inphumru a awm an ring tlat.
Sushant Singh Rajput thihna chungchang ah post-mortem neihsak a mit ngei a hmu tu Cooper Hospital, Mumbai a Mortuary Servant a thawk Roopkumar Shah chu rawn tawngchhuak in Sushant kha mahni intihlum nilovin thah ngei a ni tih a sawi.
Roopkumar Shah chuan Sushant Singh Rajput taksa a hmuh rual in mahni intihlum niin a lang lo a ti a, a taksa ah hliam hnu hma awm in kum 28 chuang alo thawh tawhna ah a thil hmuh chu phat rual lovin a chiang tawk a, a senior te hnen ah hemi chungchang hi sawipui tur a kalpuiin mahse nakin a sawi ho leh ah tiin an lo namnul sak a, an bengkhawn duh lo a ti.
Sushant taksa a hliam awm te kha a inkhaina lama a hliam a nilo a, a nghawng a hliam chu tu emaw in an rehna ngei nia a lan thu a sawi. Hei bakah a mit ah hnekna hmuam hma hmuh a ni a, pawn lam a lang leh hmuh theih siloh ah ruh tliak a neih thu a sawi bawk.
Sushant Singh Rajput hi June 14, 2020 ah a chenna Bandra ah thi in hmuh a ni a, a thihna ah hian ngaihdan leh rindan hrang hrang a tam hle. Mumbai Police, Enforcement Directorate (ED), Central Bureau of Investigation (CBI) leh Narcotics Control Bureau (NCB) te pawh Sushant thihna ah hian an inrawlh hial a, an chhui fe hnu ah mahni intihlum ang in a thihna hi hmawr bawk fel a ni.
