South Korean actor Song Joong Ki hian nikum khan British mi hmeichhia a kawp thu hmangin headline alo siam tawh a, tunah a aia lian tham zawk thuchhuah a awm leh ta.
Korean site Soompi in a tarlan ah Song Joong Ki hian official fan cafe kaltlang in Katy Louise Saunders nen an inneih tawh thu a puang a, a nupui hian tunah nau a pai mek bawk a ni.
Mahsela an inneihna hi registered chiah a ni a, inneihna hunserh pangngai buatsaih ala ni lo. Song joong ki agency aṭanga thu dawn chuan inneih ceremony hi a hranpaa neih a nih tur thu a sawi a, mahse engmah chiang taka rel a la ni lo.
“Hello, hei hi Joong Ki a ni. Ka nuna thutiam hlimawm ber leh pawimawh ber chu in zavaia hnenah hlan ka duh a ni. Min thlawptu leh a hun ka bula hmang thin Katy Louise Saunders chu ka dam chhung hun a bula hmang dun turin ka tiam a ni.”
“Thinlung ngilnei tak a nei a, Mi fing leh mak tak a ni a, ka ngaihsan em em a ni bawk. Amah vang hian mi tha zawk ka lo ni chho ta zel a ni” tiin a nupui hi a fak hle.
A nihna takah chuan kan pahnih hian chhungkaw hlim tak din kan duh a. Kan thutiam hlen chhuah tumin nasa takin kan bei a, lawmawm takin kan pahnih inkarah nun hlu tak kan lo hmuak a ni. Chuvangin vawiinah hian kan inneihna chu nupa angin kan register ta a, kan hmangaihna leh rinna thuk ber atanga chhuak a ni a ti.
Song Joong Ki leh Saunders te inkar hi sawi sep sep a awm hnu ah kum 2022 December khan nemngheh a ni. Tun hi Song Joong Ki tan a nupui pahnihna a ni a, a hmain Korean star Song Hye-kyo nen an innei tawh a, Song Hye kyo hi Kdrama lar tak “Descendants of the Sun” a a chanpui a ni. Kum 2017 khan an innei a, mahse 2019 khan an inthen a ni.
