Singapore in Myanmar hrangah liter 10 Oxygen concentrator a hlu ding tiah Myanmar ram ih Singapore Ambassy cun tuini July 28 ah thuthannak a nei.
Singapore ramleng tlangbawi zung ih thuthannak ahcun himi hi leitlun huap Covid – 19 raldonak sumpai ih bomawknak tawlrelmi ihsin Singapore Red Cross hmangin bomnak a pek ding thu simnak an nei.
Covid – 19 thuahthumnak suanawk dan a luarkai tuknak Myanmar ram cu mina pawlin Oxygen an daih-awk lo ruangah nunnak cem lo dingmi nunnak an cem, ralkap ih nekrawtnak karlak ah harhdamnak lam kilkhawi awknak ah țuanvo latu um lo dinhmun an siih, siizung khalah siibawi an daihawk lo ruangah mina pawl siizung feh in tuamhlawm awknak ah harsatnak tam zet a um.
Ralkap council ih harhdamnak tlangbawi zung cun nikhat ah Covid – 19 positive minung 5000 hrawng hmuh an siih, Myanmar ram ah Covid – 19 natnak tuartu minung 280000 an kim thu July 27 zaan ah an than.
