Shakira kawppui hlui Gerard Piqué chuan a nunhlui liam tawh sawi a hlawh reng chu a ning ve ta deuh nge Shakira nen an inkar thu lengvak hmehmit nan zawk a ti nge ni khawvel hmuh theih turin a bialnu thar a rawn inhmelhriat tir e.
Pique hian Instagram kaltlangin a bialnu kum 23 a upa Clara Chia Marti nen a an thlalak chu a post a, hei hi Shakira nen an inthen thu an puan hnu thla 7 na leh Shakira in a kah letna hla a tihchhuah atanga kar khat awrh a liam tih ah a ni.
Tun hi Pique hian Clara nen a an thlalak official tak a a phochhuah hmasak berna a ni. Thlalak ah hian thuamhnaw dum inbel ve ve in Restaurant a hun an hmanna a nia, Caption engmah a hnuchhiah lo bawk.
Thlalak post chhuah a nih rual hian fans tam tak in an comment nasa nghal hle. Shakira nen a an inkar chungchang lo hre tu tam tak chuan Pique demna thu an ziak nual a, a chetdan chu zahpuiawm tak leh tenawm tak a nih thu ten tawngkam na tak tak an pe. Clare chu a fate nu Shakira nen tehkhin tlak a nih loh thu te an sawi a, “A chiang e, official a ni a, jam-eating position pawh a free ta hle.” tiin mi pakhat chuan comment a pe.
Shakira hian an chenna in ah a Jam jar dah a bo atang in Pique hian a rinawmlohsan tih a hria niin an sawi. In a a awm loh laiin a jam hi a bo a, Pique leh a fapa ten jam an duh lo hrim hrim a, hei vang hian an in ah tu emaw kalin ei tu an awm ngei tih an sawi.
Kum 2022 June thla ah Shakira leh Pique te hian thuchhuah intawm siam in an inthen thu an puangchiang a, an fate tan nu leh pa tha tak nih chhunzawm zel an tum thu leh an privacy zahsak turin an ngen a ni.
