Shakira chu a kawppui Gerard Piqué nen an inthen hnu ah a vawikhat nan music ah a lo let a, Argentine DJ Bizarrap nen hla thar tichhuak in a hla thu phen ah a ma mimal chungchang a zep tel tih hai theih rual a nilo.
Shakira hian a hla thar hi a kawppui then tak nen an chanchin leh a kah letna a ni tih chiang tak in sawilang kher lo mahse a ngaithla a piang ten Piqué nen an hmehbel lo thei si lo.
English a a hla thu dah a nih chuan Piqué hian a chhuahsan a, thu thar ngaihven tu ten a chanchin an ngaichang reng a, “Min tihnat i ring a, mahse min tichak zawk a ni” tih ten hla thu a dah. “You left me the in-laws as my neighbors / Media outlets at my door and in debt,” leh “You thought you hurt me, but you made me stronger / Women don’t cry anymore, they cash in.” tiin a sa chhuak.
Hei bak ah amah thlak tu tur leh Piqué bialnu thar a sawi kum 23 a upa Clara Chia Marti chu duhsakna a hlan a,”I wish you good luck with my supposed replacement / I don’t even know what happened to you,” leh “You are so strange that I can’t even distinguish you / I’m worth two of 22 [year old] / You traded a Ferrari for a Twingo / You traded a Rolex for a Casio” tih ten hla thu a dah leh bawk.
Nikum June, 2022 ah Shakira leh Piqué te hi an inthen a, kum 10 chuang zet an inkawp chhungin fapa pahnih Milan, 9 leh Sasha, 7 te an nei hman. Shakira chuan Piqué nen an inthenna chu atan leh an fapa te tan hun harsa tak a ni tih a sawi a “Sawi a harsa a, a bik takin ka la paltlang zel avangin, mipui mit hmuhah ka awm avangin leh kan inthenna hi inthen dan pangngai ang a nih loh avangin. Keimah chauh ni lovin, ka fate tan pawh a harsa hle” tiin Elle hnen a Interview a neih ah a hrilh.
