September 25 nikhat rori ah Mandalay khawpi ih Pyo Saw Htay tiih hminthang minung 3 thah an si.
Aungmintharsan peng lamzin 15/89 lam ih um mipa pakhat cu tuisun ah meithal thawn an kap that. Anih hi a inn hnen pawl cu a hringhro ringring tiah an sim.
Patheingyi peng Mandalay Technological University kiang khalah tuisun ah Pyo Saw Htay sungtel tiih hminlang U Myint Aung cu a lu ah meithal thawn an kap ih a thi.
Cuihleiah Chanmyatharsii peng lamzin 49/111 ih zupi dawr neitu U Thet Naing khal meithal thawn an kap that.
Tuizing khalah Mandalay khawpi suahnak Mandalay tlanghram Shwecin toll gate ah bomb a puak ih ralkap 1 le civil 2 hriamhma an ngah.
