Pop Star lar tak mai Selena Gomez chu tunhnai lawk khan Rapper, Tyga nen an inkar ah eng thil emaw ri thawi deuh fua fua a awm niin an sawi.
Selena Gomez leh Tyga te hi Los Angeles a restaurant pakhat ah hmuhdun an nih vangin fans te chuan an ngaihven rang leh nghal hle a. Celebrity site TMZ chuan in Selena leh Tyga te The Nice Guy a hmuh dun an nih thu leh hun in angah a hran ve ve in an chhuahsan leh tih an tarlang.
Mahse, Selena hnaih deuh tu in Justjared hnen ah Selena leh Tyga te inkarah inngaihzawn lam hawi engmah a awm lo tih a hrilh a, sawi rik ret ret awm chu thu belhchian dawllo a ni e a ti. Hmun in ang ah chuan hmuh tlan an ni ngei mai a, amaherawh chu an mi hmuh te hi mi hran ve ve an nih thu in a rawn pha.
Tyga nen thawm an rawn neih hluai hma hian Selena hi producer Andrea Iervolino nen Italy ah vacation hmanga an chhuak hmuh an lo ni tawh bawk. Selena hian thla hmasa lawk khan a chhungte leh thianhnai Olivia Rodrigo, Taylor Swift, Camila Cabello leh midang te nen a kum 30 tlinna an lawm a ni.
Ngaihzawng lam ah sawi neuh neuh tur tunhnai ah a nei khat viau a, a mawh hran lem lo. Tunah hian a cooking show, Selena + Chef chu Season thar tur a buaipui chho leh mek bawk.
