Selena Gomez leh Hailey Bieber te inkar chanchin hian tawp leh reh hlen tak tak a nei thei dawn lo a ang. Selena hian a bialpa hlui Justin Bieber nupui Hailey nena an inkar tichhe thei tur thil a duh lo a, thu thang leh sawi rik hlek awm tur thil pawh rang takin a rawn hmet mit nghal.
Fan made video pakhat ah chuan Hailey leh a thiannu Kendall te Tiktok video pakhat delete tawh chu post thar a ni a, hetah hian Hailey hian Selena a tih elsenna ni ngei a puh a tawk a ni.
Video ah hian hmui phun chung in Hailey te hian a phu chu a ti lo a, mahse Pathian chet hun tak chu a hlah ngai lo tih zawng in “I’m not saying she deserved it, but I’m saying God’s timing is always right.” tiin an sawi a, hei hi Selena lam hawi ah an sawi zui leh a ni.
January thla liam ta ah Selena Gomez hian lawng a vacation an hmanna thlalak post darh a nih hnu ah a taksa landan chungchang vangin nasa takin sawiselna leh diriamna a tawk zui a. Hailey hian Tiktok lamah video hi post in a delete ve leh chiah si a, Selena duh tu te lam chuan an lo helh zui phah hle.
TikTok hmang tu pakhat ellenacuario chuan “hei hi tak tak em ni? A ti tak tak em?” tia ngaihven hlawh deuh turin a post. Mahse Selena chu rawn lang vatin “Heng thilte hian min ti lungngai lo! Mi zawng zawng chungah ngilnei rawh! x,” tiin a comment a ni.
Hailey pawh in insawifiahna a nei nghal a, “Hetiang lam hawi hian ka comment ngai lo na in girls night kan hmang mai mai a, nuam tihna atan random tik tok sound kan ti a ni. Tuma lam hawi a ni lo” a ti bawk.
Selena leh Hailey te inkar hi hun rei tak a ta sawi a lo awm tawh a, an inkarah mi thenkhat ten inhmuhthiam lohna eng emaw thleng ang a siam phet tum thin mahse an pahnih ah erawh buaina an nei hran lo tih chu Academy Museum of Motion Pictures 2nd annual gala a an thlalak in a rawn tichiang viau a ni.
