/

Selena Gomez in Bella Hadid a ngaihsan zia a tilang

Zaithiam leh lemchan thiam Selena Gomez chuan Supermodel Bella Hadid thlalak chu Instagram ah ‘girlcrush’ hashtag hmangin a post a, hei hian thuthang a siam nasa hle. Thlalak mai bakah hian Bella Hadid video a post bawk a, Selena hian Bella Hadid chu a nalh zia sawiin a ngaihsan thu a sawi bawk.

Kum 30 mi zaithiam hian Tiktok lam ah pawh Bella ‘aw’ (voice) a phunrem lai a post a, mahse a hnu ah video hi delete a ni leh. Dailymail in a tarlan dan chuan Bella aw viral clip hi Selena hian lip-sync na a nei ngei tih a lang. Video ah hian Bella chuan “So, my name, my name is Bella Hadid.” tiin a sawi.

Hei bakah Selena in video pakhat a pholan leh ah chuan Bella Hadid hmelthat leh mawina ang chu a duh thu in “Wish I was as pretty,” alo ti bawk.

Khawthlang media lam in an tarlan dan in Selena leh Bella te hi kum 2015 chho atang in an inhmuthiam vak lo an ti a, a chhan pawh Canadian Pop Star, The Weeknd vang a ni. The Weeknd bialnu ve ve an ni tawh.

The Weeknd, a hming tak Abel Tesfaye hi 2015 ah Bella Hadid nen an inngaizawng reng a, mahse an inthen hnu ah The Weeknd hi Selena Gomez nen an inkawp leh. Hemi hnu hian Selena leh Bella te inkarah sawi neuh neuh a awm tan.

Bella Hadid hian Selena hi Instagram ah a unfollow nghal. Mahsela Selena leh The Weeknd hi reilo ah inthen leh in The Weeknd hi Bella Hadid nen bawk an inzawmna an ti thar leh. Heti chung pawn an inkar chu rei daih thei ngang lovin kum 2019 ah an inthen fel ta a ni.

Selena Gomez hian Instagram ah Bella hi follow reng mahse Bella hian a follow let duh lo a, fans te lam chuan Bella hi Selena lakah a lungawilo viau niin an ring vek. Selena in tunhnai a Bella-i a ngaihsan thu a sawi hian an inkara buaina awm te chinfel a duh niin an ngai.

Tin, Selena hi web series ‘Only Murders In The Building’ ah chang in, a documentary ‘Selena Gomez: My Mind & Me’ a Release bawk. Hetah hian rilru lama harsatna a tawh leh a hmachhawn dan te a tarlang.

Leave a Reply

Your email address will not be published.