Zaithiam leh lemchan thiam Selena Gomez chu The Chainsmoker a vocalist, Andrew ‘Drew’ Taggart nen January 21 (Inrinni) zan khan New York ah zanriah eiin an inzuichhuak leh a,heta an chhuahna ah hian kut inkai riai chunga hmuh an ni.
Hei hi an chhuah hma ni khat la awm tihin Selena Gomez hian Instagram Story post-ah an inzawmna dinhmun a tichiang a, a Single thu pawh sawiin mahse a hnu ah Story hi a delete leh nghal thuai bawk. January 19, 2023, Thawhlehni khan Andrew Taggart nen an inngaizawng tih thuthang hi a awm tan.
Selena Gomez hian a Story delete ah hian “keimah chauha awm hi ka duh a ni,” tiin a tarlang a, hashtag ah “iamsingle” tih a dah belh bawk. Amaherawhchu a Single thu a puan atanga reilo ah Andrew Taggart nen inhnaih tak leh kuta inkai chunga an thlalak hmuh an nih leh tak si ah chuan a Single thu a puan ah hian dik tawk lo a awm tih chu mitam tak ngaihdan a ni.
January 17, 2023, Thawhlehni khan New York Post’s Page Six-in thlalak a tihchhuah ah chuan “Same Old Love” singer kum 30 mi leh The Chainsmokers member, kum 33 mi hi Pathianni a New York City-a The Gutter-ah bowling an khelh dun lai hmuh a ni a, heta tang hian an in date thu hi a darhchhuak nghal.
Thu dawnna pakhat chuan January 16, 2023, Thawhlehni khan Us Weekly hnenah ‘Only Murders in the Building star’ leh DJ te hi “casual leh low-key” takin an inhmu a, “an hlim hle a ni” tih a sawi. Selena Gomez hian Justin Bieber leh The Weeknd te a date hnu ah bialpa nghet sawi tur a nei tawh lo.
