‘Bridgerton’ actor Rege-Jean Page chu khawvela mipa hmeltha ber nia ngaih a nih thu science-in a tarlang.
Kum 34 mi lemchan thiam Regé-Jean Page hi Science thiamna in khawvel mipa hmeltha berah thlan a ni a, British plastic surgeon, Dr. Julian De Silva in data a enfiah leh khawnkhawmna atanga teh a ni. Greek Golden Ratio of Beauty Phi hian taksa famkimna a teh a, Ratio-a a lan dan chuan Page hi zaa 93.65-in a dik a ni.
Rege-Jean Page hi ‘Thor’ changtupa Chris Hemsworth chuan a dawt a, 93.53% a hmu a, ‘Black Panther’ star Michael B Jordan-a’n 93.46% a hmu a, singer Harry Styles chuan 92.30% a hmu bawk.
Harley Street facial cosmetic surgeon, Dr Julian De Silva hian computerized mapping technique thar ber ber hmangin list hi a siam a, Dr Silva chuan a kalphung sawifiahin, “Hetiang computer mapping technique thar tak tak hmang te hian mi taksa ti mawitu chu eng nge ni tih thuruk thenkhat chu kan chinfel sak thei a, damlote surgery ruahmanna siamnaah pawh he technology hi a tangkai hle a ni,” a ti.
Dr Silva chuan Page chu a hmai mawi tak leh a mitmeng dum mawi tak vangin a chungnung ber tih a sawi bawk. “A mit inthlauhnaah awlsam takin score sang ber a nei a, a mit positioning-ah pawh score sang tak a nei a ni,” a ti.
Rege-Jean Page hmui pianzia ṭha famkim pawh hian score sang tak a nei a, a mark hmuh tlem ber chu a hnar zau zawng leh sei zawng a nih thu Dr Julian De Silva chuan a sawi.
