November 19 ah Mague ramțhen Kankaw distric Saw peng Cinling khua le Tawma khua karlak ah CDF -Kanpetlet, CDF – Mindat, YDF, PDF – Saw țangkhawm in ralkap pawl thawn zinglam suimilam 8:00 ihsin nasazet in an kap aw ih ralkap 40 hrawng an thi ih hriamhma ngahtu khal an tam zet tiah theih a si.
Cu vekih tuartu ralkap lam cun sundir suimilam 12:00 hrawngah helicopter 2 hmangin nazi pakhat tluk hrawng tualsung hriamkai a kap. Asina’n CDF le YDF lam ihsin hriamhma ngahtu an um lo na’n Saw PDF ihsin mi pakhat hriamhma nasazet a ngah ih mi pakhat a thi tiah theih a si.
Zaanlam suimilam 1:00 ihsin Kanpetlet khawpi khalah CDF – Kanpetlet le ralkap pawl kahawknak a um ih ralkap 3 an thi tiah theih a si. November 15 khalah ralkap pakhat cu CDF – Kanpetlet sungtel pakhat in bike thawn nasazet in a pah ih ralkap cu a thi cih tiah CDF Kanpetlet in thuthannak an nei.
