Russia in Ukraine ram a rûn na ah hian Russia sipai te ngei pawh in an ram hruaitu Vladimir Putin a’n indo a puang hi an pawmpui vek lo tih an mahni ka ngeiin an sawichhuak a, sipai an man te pawh in Ukraine mi leh sa te rilru that zia an chhungte hnen ah an hrilh mawlh mawlh.
Russian prisoner pakhat chuan video call hmangin a nu a bia a,an ram hruaitu Putin nunrawnna leh a hma khua chauh a ngaihtuah a,khawngaihna chhete mah a neih loh thu a sawi ani.
A nu hnen ah chuan he indona thlen dan thudik hi midang te hnen ah a tam thei ang bera hrilh darh ngei turin a chah bawk a. Kan President in buaina a thlen hma kha chuan heti laiah nun a ralmuang in a thlamuanawm a ti a. Putin sipai ten khawngaihna neilo in naupang chumchiap kaina sikul Kindergarden leh hospital wards te thlengin a tihchhiat tir tih a sawi.
Okhtyrka, northeastern Ukrainian Sumy province a kindergarten leh orphanage te chu sipai te hian an bei a, Ukrainian lawmaker chuan thlalak thenkhat a post hial. Russian missiles in a beihna ah hian naupang pawisawi lo ten nunna chan in an hliam nual a, an thil tih ah hian a dem thu a tarlang bawk.
Russia sipai thenkhat te zingah pawh indo na a tel tur an ni tih pawh in hrelo an awm hial a. A tir a training tura ang a an chhuak chu indona ah kal tir niin commanders ten a hmatawng tu ‘cannon fodder’ ah an tan tir zui tih an sawi. Heng an chunga thil thleng vang hian an rilru a na in an mi leh sa te ngei pawh ngaihsakna chhe te mah neilo tu te lakah hian an lungdam loh thu an sawi ve hial ani.
