Russian TV editor hmeichhe huaisen zet chuan Internet ah a thil tih vangin thlipui a tleh tir a, Live a News pekchhuah a nih lai mek in an ram hruaitu pa Putin a’n indona a chawhchhuah ah kalh zawngin Protest a nei hmiah.
He hmeichhia hi Marina Ovsyannikova a ni a, Kremlin-controlled Channel One ah editor a ni mek. News puan mek laiin ‘No War’ sign a rawn lekchhuak a. Indona chu titawp tur leh mipui fahna thu an sawi mam zawng zawng te chu awih sak hlek lo turin a ti a, ‘Stop the war… They can’t put us all in prison’ tih alo lekchhuak ani.
Channel One hi Soviet Union tluk hnu a Russian Federation in news broadcast a pek station hmasa ber ania, Russia Channel lian ber niin khawvel pumah 250 million aia tam thlirtu a nei bawk.
Live a Protest a neih hnu lawk ah Police ten Marina Ovsyannikova hi an man a, Moscow’s Ostankino Police station ah an hreng niin an sawi. Mahsela a lawyer, Dmitry Zakhvatov chuan thuthar lakhawm tu te hnen ah man a nih hnu in a be pawp zui thei lo tih a sawi a, a himna a ngaihtuah hle tih a sawi nghe nghe.
Khawvel erawh in Marina Ovsyannikova hi a ngaisang hle a, ‘bravest woman on TV’ tia ko hialin Nobel Peace Prize dawng thei tura a hming pek tlak a nih thu an sawi thung.
Ukrainian President Volodymyr Zelensky meuh pawhin Marina Ovsyannikova huaisen na ah hian a fakin mimal taka a chungah a lawmthu Telegram video kaltlang in a puang.
MailOnline in a tarlan danin Miss Ovsyannikova hi Moscow’s Ostankino district court ah a inlan a, £210 fine (30,000 roubles) chawi tura tih niin illegal protests hmanga kum 15 thleng Jail bang zut thei a ni tih an sawi.
