Russia ram hruaitu pa President, Vladimir Putin an a ruka hmeichhia alo kawp leh fa a neihna hial ang a sawi Alina Kabaeva hausakna chu tarchhuah sakin mitam tak beisei aiin alo nei nung daih mai.
Alina Kabaeva hi former Olympic gymnast a ni a, a hausakna hi £7.6million angin chhut a ni a. Former heavyweight world champion Mike Tyson ai in a let thum reng reng in a hausakna hi a tam zawk tih Daily Star in a puang ani.
Mike Tyson hian £2.3million vel sum nei ang a tarlan ani. Tyson hi a boxing career ah £300million aia tam a hlawhchhuak tawh. Mahse inhnek a bansan hnu in a hausakna in kiam lam a pan.
Kabaeva hi Olympic games vawi 2 a tel ah medal a hlawhchhuak ve ve. 2007 khan gymnast a chawlhsan a. Kum 16 a nih atangin Gold alo hlawhchhuak der tawh a, Sydney a 2000 Olympic games ah te alo inlan daih tawh ani. A sum £7.6million te hi gymnast, politician leh media manager a nihna atanga a lakluh tih tarlan ani bawk.
Russia President, Vladimir Putin nen an inkawp ang a khawthlang media ten an sawi huai huai hnu ah ngaihven a hlawh zual phah hle. Hun rei tak chhung inkawp in fa phir te pawh an nei dun tih thleng in an sawi. Russia in Ukraine a rûn hnu ah Putin hian a chhungte himna ngaihtuah in Switzerland a hmun him zawk ah a thukru an ti bawk.
Putin leh Kabaeva te hian an inkawp ang a sawi awm ah hian thuchhuah mumal engmah an siam loh vangin a dik ngei em tih erawh hriat theih a nilo a. Putin hian a mimal nun chungchang vantlang hriat a puanchhuah a duh ngailo. Heng te vang hian thu dik leh rintlak hriat a harsa hle ani.
