Google Maps atang hian thil tam tak hmuhchhuah alo ni fo tawh thin a, tuna an thil hmuhchhuah Internet lama viral pawh hian ngaihven a hlawh zui hle bawk.
Independent in a tarlan danin Tiktok hmangtu pakhat googlemapsfun tia indah chuan Google Map a enkualna a a thil hmuhchhuah hi a share darh a, March 24 ah video hi phochhuak in, a landan in rulpui lian tak ruhrêl a nih hmel tih a sawi bawk.
Hmuchhuak tu hian he rulpui lian tak ruhrêl ni anga a chhal hi France ram khawi lai ah emaw a awm tiin satellites atang deuh chauh a hmuh theih a nih thu a sawi bawk.
Video lo thlir tu midang in an bengkhawn rang viau a. 30 metres vela sei niin an ring bawk a. Tunhma in hetiang ang a rul lian leh sei hmuh a ni ngai lo. Rul lian tak mang tawh Titanoboa a nih theih mai rinna te a awm hial.
Reilo te chhung in mi maktaduai 2 ai tam in Tiktok video hi an en hman. A lar tak em vang leh hriat chian zawk chak an tam vangin Snopes in investigation an kalpui a. Chhuichian a nih hnu chuan chiang zawkin an hre thei ta ani.
Le Serpent d'océan est une immense sculpture (130m) de l'artiste Huang Yong Ping, principalement composée d'aluminium. A découvrir à Saint-Brevin-les-Pins en France.#PaysDeLaLoire #SaintNazaireRenversante #ErenJaeger
👇Full YouTube video #widerfocushttps://t.co/U61apdbEk4 pic.twitter.com/0nHGPmhhvR
— Wider Focus (@WiderFocus) February 28, 2022
He rul lian ruhrêl hi Le Serpent d’Ocean tia hriat niin ruh tak tak nilo metal hmanga siam ani. France khawthlang lama awm niin kum 2012 a Estuaire art exhibition khan Chinese-French artist Huang Yong Ping siam a ni tih Atlas Obscura ten an tarlang. A sei lam hi 425 feet zet ani nghe nghe bawk.
