Popstar atang a fashion mogul a rawn in her danglam chho tu Rihanna chuan a eizawnna kawng ah nasa takin hma a sawn chho zel a, a tha lam zawng a thil chhinchhiah leh hriatreng tlak a siam chho mawlh mawlh mai.
Nikum mai khan Rihanna hausakna hian tluklehdingawn a pel tawh tih khawthlang rama milar sum dinhmun endik sak tu Forbes chuan puangin Billionaire ah a hming a chuang ve ta kalh a. Billionaire a puan a nih hnu reilo ah Record tha tak a rawn siam leh ta.
Rihanna hausakna hi tunah $1.4billion niin America a hmeichhia ah mahni thawhchhuah hmang a Billionaire ni thei naupang ber a ni ta a, a A-lister pui Kim Kardashian, 41 chu a dinhmun luah atangin a lehthal a ni.
Forbes chanchinbu in hmeichhe hausa zual list a tar ah Rihanna hi a pumpui in 21 na a ni a, kum 40 hnuai lam ah amah bak midang lang an awm tawh lo. Hei vang hian America hmeichhia ah self-made Billionaire naupang ber a ni tih a pawmpui theih.
A sum tam zawk hi Rihanna hian Music ngawr ngawr ai in a cosmetics companies atang te a a lakluh a ni mah zawk. Brand hrang hrang Fenty Beauty, Fenty Skin leh Savage X Fenty te hi a sum luhna hnar lawk zual an ni.
Fenty Beauty bik ah hian 50% a chang a, Savage X Fenty lingerie brand ah 30% stake a nei bawk. A hausakna in tluklehdingawn hawlh pha tawh mahse Rihanna hian tawp san mai a tumlo tih New York Times a hrilh a, pawisa a hmuhchhuah hmang te hian midang hna a hmuhsak leh thei dawn a ni tih a sawi.
Forber hian kum kal ta lam ah khan Kardashian-Jenner chhungkaw zinga naupang ber Kylie Jenner chu mahni sum thawhchhuah hmang a Billionaire ni thei naupang ber ah an lo puang tawh a, mahse Kylie hian a cosmetic company atang in 50% vel zet chu Coty hnen ah a hralh vangin a hausakna in Billion a pha ta lo a, Billionaire list ah a hming paih leh a ni tih an puang.
