Kan Chin Miphun kim biknak, Lairawn Tahan, Kalay ah April 07 ni cu ralkaap pawl ih kahnak ruangah mining 11 nunnak an liam zo ih, “A Bloody Day in Lairawn” tin kan zate in riahsia ninghang cio a si.
Lainatnak zianghman nei lo in, mah mipi rori that le hrem rero tu ralkaap sia pawl cu- “Ralkaap uknak sia donak, Federal Demoncracy ram si ding” hrangah ral tha zetin rak dinpi in, nunnak a liamtu “A Bloody Day in Lairawn” ih kan Heroes le Burma (Myanmar) rampi huap ih kan Heroes pawl riahsia cing ten, upatnak kan lo peek a si.
“A Bloody Day in Lairawn (April 07)” ah Kalay khua ih nunnak a liamtu 11 sungah kan milesa pakhat a simi “Salai Tluang Tin Lian @ Arkar Thu Aung tla a nunnak a rak peek ve a si. A nih hi Kum 23 lawng a si hrihmi, Kalay Phunsang Tlawng ih Math (Kum 3nak) kai rero tu tla a si. Salai Tluang Tin Lian nih a FB ah ca a rak ngan dahmi cu- Thawng ka tlak ah siseh, ka thi ah siseh, himi Thalpau dothlennak ah daite ka um lo ding. Ka dam sung ka do peh vivo ding tin a si.
Ramsung ramleng ih kan mi le sa pawl, nunnak a liamtu, hliamhmar tuartu kan mipi pawl ih peekawnak pawl zoh in, kan rampi ah a thlengmi uknak sia donak, Democracy ram din sal theinak ding hrangah CDM hrangah siseh, mipi kilhimnak hrang tawlrelnak ah siseh, nasat tak in taan kan laak cio pei uh tiah tla kan lo sawm bet duh a si.
We Stand with Falam CDM Heroes
Nithla: April 07, 2021