Reality star leh Makeup mogul, Kylie Jenner leh a kawppui hlun Rapper, Travis Scott te pawh an inkarah neuh neuh awm in inthen zai an rel leh tawh thu khawthlang ram Media lian tak tak in an chhuah.
Kylie leh Travis te hi hun pawimawh tak mai Holiday pawh kha an hmang dun lo a, Christmas an hmang dun lo tih hriat a nih hnu ah an inkar ah khi chat a awm leh ngei nia rinna a lian nghal hle.
Kylie hi a chhungte leh thian te nen Aspen, Colorado a hun an hmanna ah pawh a fate pa Travis Scott hian a zui tel miah lo a, Travis nen an inzawmna lam kaihhnawih engmah Kylie-in a Social Media ah post thar ala nei lo bawk. Rinhlelhna a tam a, an pahnih hian an awmdun tawh lo thu puan a ni ta hial a ni.
“Kylie leh Travis te inkar thawm pawh a dai zo leh ta. Holiday hmang dun tura beisei an nih laiin hmuh tur reng an awm lo a, Kylie hian a thiante leh chhungte kiang a hun hman a thlang zawk. An inkar ah heng hi a thleng fo a, thil thar a nilo, mahsela an fate tan chuan nu leh pa mawhphurhna ang te tha takin an hlenchhuak zel tho a ni” tiin source chuan US Weekly te a hrilh.
2017 ah an inngaizawn tan hnu in celebrity inkawp zingah ngaihven hlawh ber pawl an ni hial a. Tunah hian fa pahnih Stormi leh Wolf Webster te an nei mek a ni.
