Wrestler atanga acting a zuanglut John Cena hian a tih loh tawp tur thil ah tawng a duh luat vangin buaina a tawk dawn a ang hle a, ram pahnih Russia leh Ukraine te inkar buaina chhuak mek chu hman tangkai tum ah an puh.
Russia in Ukraine ram a run ah mitam takin nunna an chan tawh. John Cena chuan hetia ram pahnih indo thuthang leng mek a khawvel a buai em em lai in Twitter ah a Show promote nan a hmang tih an sawi ani.
Ningani khan John Cena hian Twitter ah a HBO Max show,Peacemaker chu a promote a, milar tak tak in remna leh muan na a thlen theih nan Social Media ah thawm an neih laia John Cena chet duhdan bik hian ngaihtheih loh a hlawh.
Tweet a siam atang a landan ah puhna a dawnna hi a dik hmel thei viau bawk. A chhan chu langsar takin sponsored hashtag a hmang tel a, mitam takin tun hi a Show vawrhlarna hun a nih rih loh thu an hrilh nasa.
Mi pakhat chuan mipui ten an nunna an chan a, an thihna hi i tv show hnaisai lo tak promote nan i hmang thei maw? a ti a, “tun hi hetiang sawina hun a ni lul lo”. “I thil tih duh dan hi a tul lo tak zet. Hashtag atang hian trending hlawhchhuah duh vang a ni tih a chiang reng reng tih ten Ukraine leh Russia te innghirnghona chu inthehlar nan hman kher a ngailo an tihsak ani. Cena hian sawisel a tawhna ah hian chhanna engmah ala pe lo.
Tun hi a vawikhatna mai a ni tawh lo. May 2021 a “Fast and Furious” franchise promote an neih ah Taiwan chu country tiin a sawi zeuh tawh bawk a, Communist Party of China ten Taiwan chu a ram chin ah a la chhiar a, China lakah ngaihdam a dil hial ani.
