Karen ramkulh, ဘားအံ khawpi ih ṭanhmun khuartu Kawl ralkap တပ်မ ၂၂ hnuai ih um Lei ralkap battalion အမှတ် ၂၀၂ ihsin Ralkap pakhat cu kan dung April thla, Kawl titawih puai hlan ihsi khan a sungkua nupi fate thawn CDM tuah in Ralkap ihsin an rak suak. Ralkap ihsi an suah belbel in CRPH thawn an pehtlai aw thei lo, tui’ dinhmun ah an relhnak hmun, an beunak khua ah harsa zetih an um thu RFA hnen ah a sim..
Kawl ralkap ihsi an suah hnu in dungkirsal ih Ralkap luhsal a theih fawn lo ruangah CRPH ih ruahman dan vekin humhimnak an ngah thei ding an beisei zet, Online ihsin CRPH pawl cu an pehtlai nan, pehtlai theih an si lo, tiin ralkap tlan cun a sim.
Hi ralkap tlan hi Chin ramkulh Tedim mi a si nan, Chin ramkulh ah tufang ralbuainak a um rero lai ruangah suahsemnak khua le ram ah tlung ngam loin a Nupi le a fate pa thum thawn hmun pakhat khat ah khui tawk kan feh ding ti khal thei nawnlo mangbang aan hai in an khawsa, an sungkua humhimnak hrang an thin a har zet thu khal theih a si.
Thla 2 sung zikte rori khawte pakhat ah nupi fate thawn kan relhnak a si thlang, kan humhimnak hrang in bawm theitu ding pawlkawm, asilole, CRPH pawl tivek in bawm theitu kan ṭul zet laifang a si tiin ralkap tlan cun RFA hnen ah a sim. Tutiang hi amah siseh a nupi fate siseh an sungten hmun himnak ih an thlen thei hrih lo ruangah a Personal Number, A hmin le tufang an umnak pawl hi tarlang ngam a si hrih lo tiin RFA cun an sim.
Ralkap suahsan in mipi lam ṭan ruangah tufang an nun a himlo, nupi fate nei a si bet fawn, ruah an harsa zet. An sungkua in hmun himnak thleng thei lohli hram hai seh.
# Chin Net youtube channel ih tisuahmi Ca ih siar duhtupawl hrang kan post mi a si.