Sagaing ramțhen Țanse peng ih ralkap pawl cun an hmunkhuarnak Kapaungciah (ကပေါင်းကျ) khua ih inn pawl cu October 23 zaanlam ah an urkang sal ih hriamhreipi khal an kap ciamco tiah theih a si.
Kapaungciah khua ahcun ralkap pawl cu hmunkhuar ih an umnak ni 6 a rei thlang ih tuihlan khdlah inn pawl an rak ur thu, tuini ah inn 10 hrawng an urkang sal thu theih a si.
Khuami pakhat in “doawknak a um lo, an hmunkhuarnak khua a si, minung an kai tivek cu kan thei lo, kiangkap khua pawl khal atu hi an tlan thluh” tiah simnak a nei.
Sagaing ramțhen cu ralkap motor burpi pawl bomb thawn do țheunak hmun a siih, tualsung hriamkai PDF thawn khal nitin deuh thaw ih doawknak hmun a si.
