Ralkap pawl cun Chin ramkulh Falam peng sungih Țal khua an cil ciamco thu theih a si.
Ralkap thazang 100 hrawng cu Falam peng Țal khua ah ni 5 sung hmun an khuar ih khawsung inn pawl an siatsuah hleiah biakinn khal an siatsuah ih, khawsung ih vulhzuatmi Ar le Vok zaten an that thluh ih an ei tiah tualsungmi pawlin an sim.
Țal khua hi Falam khawpi ihsin peng 15 hrawng hlatnak Falam – Hakha lamzin ih ummi khua pakhat a si.
Tualsungmi pakhat cun “ralkap pawl hi biakinn sung khal an duh tawkin an lut si ko ding, biakinn sung cu tuar awk țha lo rori in a rim a sia, khawsung inn pawl khalah cerek pawl thawn inn 20 lenglo cu a thar rori ih sak țul dinhmun a si” tiah simnak a nei.
Ralkap pawl hin hi bangtukih Țal khua an siatsuah hi țumhnihnak a si thlang tiah theih a si.
Ref : Zalen
