Ralkap Pawlin Naypyitaw Phoenix Urban Guerrilla Sakhan An Luhcilh Ih Hriamkai 8 An Kai, Tangka Ting 400 Sungral
Naypyitaw council hmunram ih hrambun Naypyitaw Phoenix Urban Guerrilla sakhan pakhat cu November 24 zaanlam ah ralkap pawlin an laksak ih dothlennak tuahtu hriamkai mi 8 an kaih thu Phoenix Urban Guerrilla cun thuthannak an nei.
“A relh zawngih cangvaitu ralkap thawn an tong aw ih kan milai pawl an kaihnak ihsin sakhan laksak kan tuar, Naypyitaw ih cangvaih hi kan hrangah a harsa ngaingai” tiah Phoenix Urban Guerrilla sungtel pakhat in simnak a nei.
Dothlennak tuahtu hriamkai mi 8 kai ih sakhan laksak kan ton caan ah 9mm pistol 4, ပွိင့် 22 tuahcop meithal 3, cerek pawl,handphone pawl le bike 6 laksak cih kan tuar tiah a sim bet.
Cuihleiah bomb tuahnak ih hmanmi thilri ting 100 lenglo telin tangka ting 400 lenglo kan sungral tiah Phoenix Urban Guerrilla sungtel pakhat in simnak a nei.
