Sagaing ramțhen Myaung peng Mindan khua ah October 7 zinglam suimilam 10:00 hrawngah ralkap pawl cu motor 7 thawn lut tahratin inn an ur ih innkang mittu tualsungmi 3 an kap that.
“Inn pawl an țhiat hnuah khua an ur, tutiang kan theihnak shcun tualsungmi 3 an kap that, innkang an mit ruangah an kap that tiah kan thei, khawsung ah ralkap pawl an um lai, caw pawl khal an kai, phungki tlawng le tlawnginn pawl ah hmun an khuar” tiah tualsungmi pakhat in a sim.
Mindan khua cu inn 600 hrawng an siih ralkap pawlin inn ziangzat an urkang timi theihfiang a si hrih lo. Khawsung mipi zaten himnak hawlin khua an suahsan thluh tiah theih a si.
